شينحۋا اگەنتتىگىنىڭ ءتىلشىسى يۇي جۇنجيە 8 – ايدىڭ 9 – كۇنى بەيجيڭنەن حابارلايدى. ءتىلشىنىڭ 8 – ايدىڭ 9 – كۇنى ورتالىق كوميتەتتىڭ ينتەرنەت ينفورماتسياسى كەڭسەسىنەن ۇعىسۋىنشا، كامەرا ارقىلى ۇرلاپ باقىلاۋ قاتارلى زاڭسىز ىستەردى جونگە سالۋ قىزمەتىن ىلگەرىلەتۋ بارىسىندا، جەر – جەردەگى ينتەرنەت ينفورماتسيا كەڭسەلەرى ءتۇرلى تەكشەلەردى بەلگىلەمەگە قايشى زياندى ينفورماتسيالاردان 22 مىڭنان استامىن تازالاۋعا قۋزادى، تەكشەلىك اككاۋنتتاردان 4000 نان استامىن، توپ – گرۋپپالاردان 132 سىن ءبىرجاقتى ەتىپ، بەلگىلەمەگە قايشى ونىمدەردەن 1600 دەن استامىن سورەدەن ءتۇسىردى.
مۇنىڭ ىشىندە، بايدۋ، تىڭشۇن، UC قاتارلى ءتۇيىندى توراپتارداعى جانە تەكشەلەردەگى زياندى ينفورماتسيالاردان 8000 نان استامى تازالانىپ، بەلگىلەمەگە قايشى كەلگەن اككاۋنتتاردان 134 اككاۋنت ءبىرجاقتى ەتىلدى؛ جيڭدۇڭ، تاۋباۋ، شيانيۇي قاتارلى ەلەكتروندى ساۋدا تەكشەلەرىنەن بەلگىلەمەگە قايشى جارنامالاعان جانە بەلگىلەمەگە قايشى ساتقان كامەرا اسپاپتارىنان 1600 دەن استامى سورەدەن ءتۇسىرىلىپ، بەلگىلەمەگە قايشى اككاۋنتتاردان 3700 دەن استامى ءبىرجاقتى ەتىلىپ، بەلگىلەمەگە قايشى 12 مىڭنان استام ينفورماتسيا تازالانعان. ينتەرنەت ينفورماتسياسى تاراۋلارى جەكە قۇپيالىققا قاتىستى كەسكىندەردىڭ اشكەرەلەنۋى سىندى كومەسكى حاۋىپ – قاتەرلەر ساقتالىپ وتىرعان كەسكىندى باقىلاۋ – مەڭگەرۋ APP قولدانبالارىن وندىرەتىن زاۆود – ساۋداگەرلەردى شاقىرىپ اڭگىمەلەستى.
ۇعىسۋعا قاراعاندا، 5 – ايدان بەرى، ورتالىق ينتەرنەت ينفورماتسياسى كەڭسەسى ونەركاسىپ جانە ينفورماتسيالاندىرۋ مينيسترلىگىمەن، قوعام حاۋىپسىزدىگى مينيسترلىگىمەن، بازاردى باقىلاۋ – باسقارۋ باس مەكەمەسىمەن بىرلەسە وتىرىپ، كامەرا ارقىلى ۇرلاپ باقىلاۋ قاتارلى زاڭسىز ىستەردى جونگە سالۋ قىزمەتىن ىلگەرىلەتىپ، كامەرادان زاڭعا قايشى تۇردە پايدالانىپ، جەكەلەردىڭ قۇپيالىقتارىن ۇرلاپ باقىلاۋ، جەكەلەردىڭ قۇپيالىعىنا ساياتىن كەسكىندەردى ساۋدالاۋ، ۇرلاپ باقىلاۋ، ۇرلاپ كەسكىنگە ءتۇسىرۋ تەحنيكالارى قاتارلى ازاماتتاردىڭ جەكەلىك قۇپيالىقتارىنا زيان جەتكىزەتىن ارەكەتتەردى شوعىرلى تۇردە جونگە سالعان.
