1. اعىمداعى ورىن:
  2. باس بەت
  3. زاڭدار مەن زاڭ-ەرەجەلەر
  4. زاڭ - ەرەجە

قوعام حاۋىپسىزدىگى مينيسترلىگى ۆاكسيناعا قاتىستى قىلمىستارعا سوققى بەرۋ، ساقتانۋ ارناۋلى ارەكەتىن ورىستەتۋ جونىندە ورنالاستىرۋ جاسادى

جياڭسۋ قاتارلى جەرلەردەگى قوعام حاۋىپسىزدىگى تاراۋلارى جاڭا تيپتى ايدارشا ۆيرۋس ۆاكسيناسىن جالعاننان جاساۋ، ساتۋ قىلمىستىق دەلوسىن ءساتتى انىقتادى

日期:2021年02月02日
来源:人民网
【字体:

  شينحۋا اگەنتتىگىنىڭ 2 – ايدىڭ 1 – كۇنى بەيجيڭنەن بەرگەن حابارى. جۋىردا، قوعام حاۋىپسىزدىگى مينيسترلىگى بۇكىل ەلىمىزدەگى قوعام حاۋىپسىزدىگى ورگاندارىنىڭ زاڭ بويىنشا ۆاكسيناعا قاتىستى قىلمىستارعا سوققى بەرۋ، وسى تەكتەس قىلمىستىق ارەكەتتەردىڭ تۋىلۋىنان قاتاڭ ساقتانۋ ارناۋلى ارەكەتىن ورىستەتۋ جونىندە ورنالاستىرۋ جاساپ، ىرىقتىلىقپەن تەكسەرىپ - انىقتاۋ ارقىلى ۆاكسينانى جالعاننان جاساۋ، ساتۋ، زاڭعا قايشى تۇردە تيجارات ەتۋ، اتكەزشىلىك ەتۋ، ۆاكسينا ەگۋ بارىسىندا بايقالعان زاڭعا قايشى ەمشىلىك ىستەۋ جانە ۆاكسينانى جەلەۋ ەتىپ، الدامكوستىكپەن شۇعىلدانۋ سىندى قىلمىستىق ارەكەتتەرگە زاڭ بويىنشا قاتاڭ سوققى بەرىپ، ۆاكسينانى زەرتتەۋ، ءوندىرۋ، اينالىمعا ءتۇسىرۋ، پايدالانۋ ءتارتىبىن شىنايى قورعاپ، حالىق جۇرتشىلىعىنىڭ ءومىرى مەن دەنساۋلىعىنىڭ حاۋىپسىزدىگىن قامتاماسىزداندىرىپ، ىندەتتەن ساقتانۋ – تىزگىندەۋ قىزمەتىنە ءونىمدى قىزمەت ەتەدى.

  قوعام حاۋىپسىزدىگى مينيسترلىگىنىڭ ءبىرتۇتاس ورنالاستىرۋىنا ساي، جياڭسۋ، بەيجيڭ، شاندۇڭ قاتارلى جەرلەردەگى قوعام حاۋىپسىزدىگى ورگاندارى جۋىردا جالعاننان ۆاكسينا جاساۋ، ساتۋعا قاتىستى ەرەكشە ءىرى دەلونى ءساتتى انىقتاپ، جالعاننان جاساۋ اپانىن تالقانداپ، قىلمىستىق جەلىنى تالقانداپ، قىلمىس كۇماندىلارىنان 80 نەشە ادامدى تۇتقىندادى، ناق مايداندا 3000 نان استام جالعان ۆاكسينانى انىقتاپ ۇستاپ قالدى. تەكسەرۋ بارىسىندا انىقتاۋعا قاراعاندا، 2020 – جىلى 9 – ايدان بەرى، قىلمىس كۇماندىسى كۇڭ X قاتارلىلار ىرعىن پايداعا كەنەلۋ ءۇشىن الدىن الا تولتىرىلعان ۋكىل ۇرۋ اسپابى قۇراماسى ارقىلى فيزولوگيالىق تۇزدى ەرىتىندىنى قۇيۋ تاسىلىمەن جاڭا تيپتى ايدارشا ۆيرۋستىڭ جالعان ۆاكسيناسىن جاساعان ءارى ساتى سايىن باعاسىن قىمباتتاتىپ ساتقان. قازىر كۇڭ X قاتارلىلار جاساپ ساتقان جاڭا تيپتى ايدارشا ۆيرۋستىڭ جالعان ۆاكسينالارىنىڭ اينالىم باعدارى تۇگەل انىقتالدى.

  جاڭا تيپتى ايدارشا ۆيرۋ ۆاكسيناسىن جالعاننان جاساۋ، ساتۋ قاتارلى ۆاكسيناعا قاتىستى قىلمىستىق ارەكەتتەردىڭ سيپاتى ناشار، زالالى اۋىر. قوعام حاۋىپسىزدىگى ورگاندارى باستان – اياق حالىقتى وزەك ەتۋ سىندى دامۋ يدەياسىندا تاباندى بولىپ، باتىلدىقپەن ىسكە كىرىسىپ، ىرىقتىلىقپەن ارەكەت ورىستەتىپ، ەرتە باستان، شاعىن كەزىنەن باستاپ سوققى بەرۋ، قىلپى كورىنسە بولدى سوققى بەرىپ، ۆاكسيناعا قاتىستى ءتۇرلى قىلمىستارعا باستان – اياق قاتاڭ سوققى بەرۋ، جوعارى قىسىم كورسەتۋ بەتالىسىن ساقتاپ كەلەدى. سونىمەن بىرگە، اكىمشىلىك باقىلاۋ – باسقارۋ قاتارلى تاراۋلارمەن سەلبەسۋدى، سايكەسۋدى كۇشەيتىپ، تۇزىمدىك مەحانيزمدەردى ورناتىپ جانە كەمەلدەندىرىپ، بۇكىل جەلى بويىنشا باقىلاۋ – باسقارۋدى، بۇكىل جۇيە بويىنشا ساقتانۋدى تياناقتاندىرۋدى ىلگەرىلەتىپ، مۇنداي قىلمىستىق ارەكەتتەردىڭ كەڭەيۋىنە، تارالۋىنا مۇلدە جول بەرمەيدى. قوعام حاۋىپسىزدىگى ورگاندارى قالىڭ جۇرتشىلىققا رەسمي جولدار ارقىلى ۆاكسينا ەكتىرۋدى، الدانىپ قالماۋدى ەسكەرتەدى. ەگەر ۆاكسينانى زاڭعا قايشى تۇردە ساۋدالاعان، جالعاننان جاساعان، ساتقان ماسەلەلەر بايقالسا، دەر كەزىندە قاتىستى تاراۋلارعا اڭىس ەتۋگە جانە 110 تەلەفون ءنومىرى ارقىلى اشكەرەلەۋگە بولادى.

http://kazakh.people.com.cn/15836784.html