حالىق قۇرىلتايى تۇراقتى كوميتەتى ەكولوگيالىق ورتانى قورعاۋ زاڭ جۇيەسىن ۇزدىكسىز كەمەلدەندىردى

　　حالىق گازەتىنىڭ ءتىلشىسى جاڭ تيانپەي 1 – ايدىڭ 31 – كۇنى حابارلايدى. مەملەكەتتىك حالىق قۇرىلتايى تۇراقتى كوميتەتى كەڭسەسى 1 – ايدىڭ 29 – كۇنى ارناۋلى اقپار جاريالاۋ ءماجىلىسىن اشىپ، قاتىستى تاراۋلارداعى جاۋاپتى جولداستاردى ۇسىنىس ەتىپ، حالىق قۇرىلتايى تۇراقتى كوميتەتىنىڭ زاڭ شىعارۋ قاتارلى تاسىلدەرمەن ەكولوگيالىق ورتانى قورعاۋدى كۇشەيتىپ، لاستانۋدى جونگە سالۋدان قامال الۋ شايقاسىن ويداعىداي ورىستەتۋى قاتارلى قاتىستى جاعدايلار جونىندە تىلشىلەردىڭ سۇراۋىنا جاۋاپ بەردى.

　　مەملەكەتتىك حالىق قۇرىلتايى تۇراقتى كوميتەتىنىڭ زاڭ قىزمەتى كوميتەتىنىڭ ورىنباسار مەڭگەرۋشىسى شۇي انبياۋ مىنانى ءبىلدىردى: 13 – كەزەكتى مەملەكەتتىك حالىق قۇرىلتايى جانە ونىڭ تۇراقتى كوميتەتى مىندەت اتقارعاننان بەرى، پارتيا ورتالىق كوميتەتىنىڭ ەكولوگيالىق ورتانى قورعاۋعا قاتىستى كەلەلى شەشىمدەرىن، ورنالاستىرۋلارىن ىشكەرىلەي دايەكتى تياناقتاندىرىپ، زاڭمەن جونگە سالۋ جولىندا تاباندى بولىپ، ەكولوگيالىق وركەنيەت قۇرىلىسىن ىلگەرىلەتتى، نەگىزگى زاڭعا وزگەرىس ەنگىزۋ جوباسىن قاراپ ماقۇلداعان سوڭ، «ەكولوگيالىق وركەنيەتتى» نەگىزگى زاڭعا جازدى، ەكولوگيالىق ورتانى قورعاۋدى جاپپاي كۇشەيتىپ، لاستانۋدان ساقتانۋدان قامال الۋ شايقاسىن ويداعىداي ورىستەتۋدى زاڭ بويىنشا ىلگەرىلەتۋ جونىندەگى قاۋلىنى ورتاعا قويدى، توپىراقتىڭ لاستانۋىنان ساقتانۋ جانە ونى جونگە سالۋ زاڭىن، چاڭجياڭدى قورعاۋ زاڭىن، بايلىق قاينارى باجى زاڭىن بەلگىلەپ، قاتتى كۇيدەگى قوقسىقتاردىڭ ورتانى لاستاۋىنان ساقتانۋ جانە ونى جونگە سالۋ زاڭىنا، ورمان زاڭىنا، جەردى باسقارۋ زاڭىنا وزگەرىس ەنگىزدى، 3 جىل ىشىندە ەكولوگيالىق ورتا سالاسىنداعى ارناۋلى 12 زاڭدى جاساۋ نەمەسە وزگەرىس ەنگىزۋ قىزمەتىن ورىنداپ، ەكولوگيالىق ورتانى قورعاۋ، لاستانۋدان ساقتانۋ جانە ونى جونگە سالۋدان قامال الۋ شايقاسىن ويداعىداي ورىستەتۋگە پارمەندى كەپىلدىك ازىرلەدى.

　　شۇن انبياۋ بىلاي دەپ تانىستىردى: زاڭ شىعارۋ بارىسىندا تۇزىمدە جاڭالىق اشۋعا، كەمەلدى زاڭمەن جونگە سالۋعا ءمان بەرىلدى. ءبىر جاعىنان، ەكولوگيالىق ورتانى قورعاۋ ارناۋلى زاڭىن بەلگىلەۋ، وزگەرىس ەنگىزۋ بارىسىندا، ەكولوگيالىق ورتانى قورعاۋ جاعىنداعى ەڭ قاتاڭ، ەڭ كەمەلدى زاڭ – تۇزىمدەر جاسالدى، كەمەلدەندىرىلدى، لاستانۋدان ساقتانۋ – جونگە سالۋ زاڭ – ءتۇزىم جۇيەسى ۇزدىكسىز كەمەلدەندىرىلدى. ەندى ءبىر جاعىنان، ەكولوگيالىق ورتانى قورعاۋ جاعىندا ارناۋلى زاڭ شىعارۋدى جەدەلدەتۋمەن بىرگە، حالىقتىق ىستەر، ازاماتتىق ىستەر زاڭ – تۇزىمدەرى كەمەلدەندىرىلىپ، جەلىلەس شارالار اتقارىلىپ، ەكولوگيالىق ورتانى قورعاۋ جانە لاستانۋدان ساقتانۋ – جونگە سالۋدى كۇشەيتۋ جاعىندا پارمەندى زاڭدى قارۋ ازىرلەندى.

http://kazakh.people.com.cn/15836716.html