جۇمىس ۇستىندە جارالانۋدىڭ باستى شارتى قىزمەت سەبەبىنەن جارالانعان بولۋى كەرەك، دەسەدە، اماليات بارىسىندا كەيبىر جاعدايلاردى قىزمەت سەبەبىنەن ەمەس نەمەسە قىزمەت سەبەبىنەن بولعان - بولماعاندىعىن تۇراقتاندىرۋ مۇمكىن بولماعان جاعدايدا، جۇمىس ۇستىندە جارالانۋعا جاتادى دەپ قارالىپ، «جۇمىس ۇستىندە جارالانۋدى قامسىزداندىرۋ ەرەجەسىنىڭ» 15 - تارماعىنداعى بەلگىلەمە بويىنشا جۇمىس ۇستىندە جارالانۋدى قامسىزداندىرۋدان يگىلىكتەنەدى.
مۇنداي جاعدايلار تومەندەگىدەي 3 ءتۇرلى:
1. قىزمەت ۋاقىتى مەن قىزمەت ورنىندا اياق استىنان اۋىرىپ قايتىس بولسا نەمەسە 48 ساعات ىشىندە شۇعىل قۇتقارۋ ءونىم بەرمەي قايتىس بولسا؛
2. حاۋىپتەن، اپاتتان قۇتقارۋ سياقتى مەملەكەت مۇددەسىن، الەۋمەتتىك مۇددەنى قورعاۋ قيمىلى بارىسىندا جارالانسا؛
3. قىزمەتشى بۇرىنعى اسكەري بولىمدە قىزمەت وتەگەن كەزدە، سوعىس سەبەبىنەن مەملەكەت ءۇشىن جارالانىپ مۇگەدەك بولىپ، توڭكەرىستىك مۇگەدەك اسكەر كىناشقاسىن العان بولسا، ىستەتۋشى ورىنعا بارعاننان كەيىن بۇرىنعى اۋرۋى قايتا قوزعالسا.
جوعارىداعىلاردان، 1 -، 2 - ءتۇرلى جاعدايلاردا «جۇمىس ۇستىندە جارالانۋدى قامسىزداندىرۋ ەرەجەسىنىڭ» قاتىستى بەلگىلەمەلەرى بويىنشا جۇمىس ۇستىندە جارالانۋدى قامسىزداندىرۋدان يگىلىكتەنۋ مامىلەسى جاسالادى؛ جۇمىسشىنىڭ جاعدايى 3 - تۇردەگى جاعدايعا جاتاتىن بولسا، «جۇمىس ۇستىندە جارالانۋدى قامسىزداندىرۋ ەرەجەسىنىڭ» قاتىستى بەلگىلەمەلەرى بويىنشا ءبىرجولاتا بەرىلەتىن مۇگەدەكتىك تولەم قاراجاتىنان باسقا جۇمىس ۇستىندە جارالانۋدى قامسىزداندىرۋدان يگىلىكتەنە الادى.
دايىنداعان: ەركىن شايمۇرات ۇلى
كەلۋ قاينارى:ءتاڭىرتاۋ تورابى
