گۇلنۇر ماناس قىزى
تالاپكەر ءلاززات ‹بولاشاق› قوراجاي سەرىكتەستىگىنەن ءبىر توۆار ءۇي ساتىپ الماقشى بولىپ، ءۇي ساتىپ الۋ سوماسى تولىقتانىپ بولماعاندىقتان، سەرىكتەستىكتىڭ وزىنە ءبىر توۆار ءۇيىن قالتىرىپ قويۋىن ايتىپ، سەرىكتەستىكپەن اقىلداسىپ الدىمەن ون مىڭ يۋان كەپىلدىك سوماسىن (定金) تاپسىرىپ، سەرىكتەستىك ءلاززاتقا قالتىرعان ءۇيدىڭ ءنومىرى مەن كەپىلدىك سوماسى ون مىڭ يۋان العاندىعى جونىندە قولحات جازىپ بەرەدى. ءلاززات سوڭىنان ءتۇرلى سەبەپتەرمەن ءۇيدىڭ تولىق ساتىپ الۋ سوماسىن تاپسىرىپ بەرەدە الماي، قاتىستى بانكەدە قارىز الۋ ءراسىمياتتارىن بىتىرمەي سەرىكتەستىككە ۋاعىندا ءۇيدىڭ ساتىپ الۋ سوماسىن بەرە المايدى.سەرىكتەستىك كوپ رەت ءلاززاتتان قۋزاستىرىپ ءونىم بولماعان سوڭ ءلاززاتقا قالتىرعان ءۇيدى باسقالارعا ساتىپ بەرەدى. تالاپكەر ءلاززات كەپىلدىك سومانى قايتارۋدى تالاپ ەتىپ، سەرىكتەستىكپەن تايتالاسىپ قالىپ، سوت مەكەمەسىنە ازاماتتىق ىستەر ارىز-تالابىن ورتاعا قويادى.
سوت مەكەمەسى دەلونى قاراپ شىعۋ بارىسىندا، سوتشى سەرىكتەستىكتىڭ توۆار ءۇيدى باسقالارعا ساتىپ بەرگەندىگىن ەشقانداي شىعىم بولماعانىن ويلاستىرىپ ەكى جاقتى جاراستىرۋ ويىندا بولادى. ءبىرىنشى رەت سوت اشقاندا، جاۋاپكەر سوت مەكەمەسىنە كەلمەيدى، سوتشى ءتارتىپ بويىنشا سوتتى قاراپ شىعىپ، بەلسەندى تۇردە سەرىكتەستىكپەن حابارلاسىپ، سەرىكتەستىك زاڭدىق ۋاكلاتىشىمەن كەزىگىپ، جاراستىرۋ قىزمەتىن الىپ بارادى. زاڭدىق ۋاكلاتشىسى تالاپكەر ءلاززاتقا ون مىڭ يۋاندى قايتاراتىنىن، تالاپكەر ءلاززاتتىڭ ىلگەرى وزدەرىنىڭ سەرىكتەستىگىنە كوپ رەت بارىپ كەپىلدىك سوماسىن الۋدى تالاپ ەتكەندەگى پوزيتسياسىنىڭ ناشارلىعىن ويلاسىپ تالاپكەردىڭ وزىنەن كەشىرىم سۇراۋىن تالاپ ەتەدى. سوتشىنىڭ سابىرلىقپەن زاڭدى تۇسىندىرۋىندە تالاپكەر ءوزىنىڭ ارەكەتىنىڭ مادەنيەتسىز ەكەنىن ءبىلىپ كەشىرىم حاتىن جازۋىنا قوسىلادى، سونىمەن ەڭ سوڭىندا ەكى جاق كەلىسىپ، سەرىكتەستىك ون مىڭ يۋان كەپىلدىك سوماسىن ءلاززاتقا قايتارىپ بەرىپ، ءلاززات سەرىكتەستىكتەن كەشىرىم سۇرادى. (ادام اتتارى وزگەرتىلىپ الىندى)
زاڭدىق تۇسىنىك:
«جۇڭحۋا حالىق رەسپۋبىليكاسى توقتام زاڭى»نىڭ 115-تارماعىندا ىسكە قاتىستى ادامداردىڭ 《جۇڭحۋا حالىق رەسپۋبليكاسىنىڭ كەپىلدىك زاڭى》بويىنشا ءبىر جاقتىڭ قارسى جاققا الاشاق ۇقىعىنىڭ كەپىلدىگى رەتىندە كەپىلدىك اقشا تولەۋى جونىندە كەلىسۋىنە بولادى. بەرەشەك ادام بەرەشەگىن وتەگەننەن كەيىن كەپىلدىك اقشانى باعا سوماسىنا ورايلاستىرادى نەمەسە قايتارىپ الادى. كەپىلدىك اقشا بەرگەن جاق كەلىسىمدەگى بەرەشەگىن وتەمەسە، كەپىلدىك اقشانى قايتارىپ بەرۋدى تالاپ ەتۋگە ۇقىقسىز؛ كەپىلدىك اقشانى العان جاق كەلىسىمدەگى بەرەشەگىن وتەمەسە، كەپىلدىك اقشانى ەسەلەپ قايتارۋ كەرەك .
كەلۋ قاينارى:ءتاڭىرتاۋ تورابى
