حالىق
گازەتى، 11 – ايدىڭ 12 – كۇنى (ءتىلشى: باي جيانفىڭ) مەملەكەتتىك دەنساۋلىق ساقتاۋ
جانە سالاماتتىق كوميتەتى مەن مەملەكەتتىك كەڭەستىڭ كەدەيلەردى سۇيەمەلدەۋ كەڭسەسى
جۋىردا بىرگە باسىپ تاراتقان «كەدەي وڭىرلەردەگى ادامداردىڭ سالاماتتىعىن
ىلگەرىلەتۋدەن ءۇش جىلدا قامال الۋ ارەكەتى جوباسىندا» 2020 – جىلعا بارعاندا كەدەي
وڭىرلەردەگى تۇرعىندارعا باعىتتالعان سالاماتتىق جونىندەگى ءتالىم – تاربيە قىزمەتى
بارلىق ءوڭىردى تولىق قامتۋدى جۇزەگە اسىرۋ كەرەك دەپ اتاپ كورسەتىلگەن.
«جوبادا»
مىنالار تالاپ ەتىلگەن: تۇرگە ءبولىپ جەتەكشىلىك ەتۋ، توپقا ءبولىپ ساياسات اتقارۋ،
دارەجەگە ءبولىپ جاۋاپكەرشىلىگىن قۋزاستىرۋ پرينسيپى بويىنشا، كەدەي وڭىرلەردە
سالاماتتىق جونىندەگى ءتالىم – تاربيە مەن ونى ىلگەرىلەتۋ قىزمەتىن اناعۇرلىم
كۇشەيتىپ، عىلمي سالاماتتىق تانىمىن دارىپتەۋ، اقاۋسىز تۇرمىس ءتاسىلىن
جالپىلاستىرۋ، جۇرتشىلىقتىڭ سالاماتتىق ساپاسى مەن سالاماتتىق ورەسىن جوعارىلاتۋ
كەرەك. «جوبادا» سالاماتتىق جونىندەگى ءتالىم – تاربيەنى اۋىل – قىستاقتارعا،
وتباسىلارعا، مەكتەپتەرگە دەيىن جالپىلاستىرۋ، سالاماتتىق ءتالىم – تاربيەسى
بازاسىن قۇرۋ، نەگىزگى ساتىداعى سالاماتتىق ءتالىم – تاربيەسى تىرەكتىلەرىن
تاربيەلەۋ سىندى بىرنەشە جاقتاعى ارەكەتتەردى ورىستەتۋ ورتاعا قويىلعان. 2020 –
جىلعا بارعاندا، كەدەي وڭىرلەردەگى تۇرعىندارعا باعىتتالعان سالاماتتىق جونىندەگى
ءتالىم – تاربيە قىزمەتى بارلىق ءوڭىردى تولىق قامتۋىن جۇزەگە اسىرىپ، ولكە، ايماق
جانە قالا، اۋدان قاتارلى ءار دارەجەلى ورىندار سالاماتتىق ءتالىم – تاربيەسى
تىرەكتىلەر قوسىنىن قۇرۋى جانە بارلىق وڭىردە تىرەكتىلەر قوسىنىن تاربيەلەۋى كەرەك،
اۋدان جانە رايوندى بىرلىك ەتە وتىرىپ، ورتا – باستاۋىش مەكتەپتەردىڭ %50تەن استامى
سالاماتتىقتى ىلگەرىلەتۋدىڭ مەكتەپ دارەجەلى ولشەمىنە جەتۋى كەرەك. ءارقايسى كەدەي
اۋداندار مەن رايوندار (كەدەيلەر جان سانى بار اۋدان جانە رايوندار) تۇرعىندارىنىڭ
سالاماتتىق ساپاسىنىڭ ورەسى سول ولكەنىڭ 2020 – جىلعى نىسانا ورەسىنە جەتۋى نەمەسە
2018 – جىلداعى ورەسىنەن %60 جوعارىلاۋى كەرەك.
تالاپقا
نەگىزدەلگەندە، بۇكىل ەلىمىزدەگى تۇرعىنداردىڭ سالاماتتىق ساپاسىنىڭ ورەسى 2020 –
جىلعا بارعاندا %20كە، 2030 – جىلعا بارعاندا %30كە جەتۋى كەرەك. قازىر بۇكىل
ەلىمىزدەگى تۇرعىنداردىڭ سالاماتتىق ساپاسىنىڭ ورەسى %14.8.
كەلۋ قاينارى: حالىق
تورابى