مەملەكەت دامۋىنىڭ جالپى جاعدايىمەن توعىسۋ بارىسىندا ءتىپتى دە ويداعىداي دامۋدى ىسكە اسىرامىز

ءتوراعا شي جينپيڭنىڭ ماڭىزدى ماڭىزدى ءسوزى شياڭگاڭ مەن اۋمىننىڭ ءار سالاسىنداعىلاردىڭ كۇشتى اڭىسىن قوزعادى

11 – ايدىڭ 13 - كۇنى، شياڭگاڭ (تىلشىلەر جاڭ چيڭبو، سۋ نيڭ). مەملەكەت ءتوراعاسى شي جينپيڭ 11 – ايدىڭ 12 – كۇنى شياڭگاڭ مەن اۋمىننىڭ ءار سالاسىنداعىلاردىڭ مەملەكەتتىڭ رەفورما جاساپ، ەسىك اشقانىنىڭ 40 جىلدىعىن قۇتتىقتۋ ساپار ۇيىرمەسىندەگىلەرمەن كەزدەستى ءارى ماڭىزدى ءسوز سويلەدى، بۇل شياڭگاڭ مەن اۋمىندا كۇشتى اڭىس قوزعادى. ەكى جەردىڭ ءار سالا قايراتكەرلەرى، سونداي – اق بۇقارالىق اقپارات قۇرالدارى مەن قوعامدىق پىكىرى جاپپاي بىلاي دەپ قارادى: ءسوز شياڭگاڭ مەن اۋمىننىڭ بولاشاقتاعى دامۋى جانە مەملەكەتتىڭ دامۋ جالپى جاعدايىنا اناعۇرلىم ويداعىداي توعىسۋى ءۇشىن ماڭىزدى جەتەكشىلىك جانە جەبەۋشىلىك رول اتقارادى، ەكى جەر ءوز ارتىقشىلىقتارىن شىنايى ساۋلەلەندىرىپ، مەملەكەتتىڭ قاجەتى ءۇشىن ۇلەس قوسىپ، مەملەكەتتىڭ دامۋىنان كەڭ ءورىس جانە قوزعاۋشى كۇش الۋى كەرەك.

مەملەكەتتىك ساياسي كەڭەستىڭ تۇراقتى مۇشەسى، شياڭگاڭ جۇڭحۋا باس قوعامىنىڭ ءتوراعاسى ساي گۋانشىن مىنالاردى ءبىلدىردى: شياڭگاڭ «ءبىر بەلدەۋ، ءبىر جولدى» بىرگە قۇرۋ، گۋاڭدۇڭ – شياڭگاڭ – اۋمىن ۇلكەن شىعاناق رايونى قۇرىلىسى سياقتى ەلەۋلى ورايلاردى مىقتى يگەرىپ قالماستان، ونان دا ماڭىزدىسى، فاكتورلاردىڭ اينالىمى، ولشەمدەردى ءتۇيىستىرۋ، بىلىكتىلىكتى ءوزارا تانۋ، حالىق تۇرمىسى سەلبەستىگى سياقتى دەڭگەي – ساتىلاردا مەملەكەتتىڭ ەسىكتى ايقارا اشۋىنا سەلبەسىپ، حالىقارامەن تۇيىسۋدەگى ءتۇزىم جۇيەسى ارتىقشىلىعىن ساۋلەلەندىرىپ، جۇڭگوشا تۇزىمدىك ورنالاستىرۋمەن بىرلەستىرىپ، جاڭا، سيىسىمدى، وسىزاماندانعان قوعامدىق جونگە سالۋ جانە ەكونوميكانى دامىتۋ ۇلگىسىندە ىزدەنىس جاساۋى كەرەك.

ءتوراعا شي جينپيڭ شياڭگاڭ مەن اۋمىننان مەملەكەتتىڭ جونگە سالۋ امالياتىنا اناعۇرلىم بەلسەندى، ىرىقتى اتسالىسۋدى ءۇمىت ەتتى. شياڭگاڭ «داگۇڭ گازەتى» شولۋىندا مىنالاردى اتاپ كورسەتتى: شياڭگاڭ وتان قۇشاعىنا ورالعان سوڭ مەملەكەتتىڭ جونگە سالۋ جۇيەسىنە قامتىلدى. شياڭگاڭدىقتار «ءبىر ەل، ەكى تۇزىمگە» ۇيلەسۋ تالابى بويىنشا ەرەكشە اكىمشىلىك رايوننىڭ نەگىزگى زاڭ مەن ءتۇبىرلى زاڭىنىڭ اتقارىلۋىنا قاتىستى تۇزىمدەر مەن مەحانيزمدەردى كەمەلدەندىرىپ، باسقارۋ، جونگە سالۋ قۋاتى مەن دەڭگەيىن جوعارىلاتىپ، سانالىلىقپەن مەملەكەتتىڭ ساياسي ءتۇزىلىسىن قورعاۋى، مەملەكەتتىڭ حاۋىپسىزدىگىن قورعاۋى كەرەك.

كەلۋ قاينارى: حالىق تورابى