ءۇرىمجى قالالىق ساياسي كەڭەس پارتيا باسشىلىق گرۋپپاسىنىڭ مۇشەسى، ورىنباسار ءتوراعا
ورگۇل تۇرسۇن
شي جينپيڭنىڭ جاڭا ءداۋىر جۇڭگوشا سوتسياليزم يدەياسىن، اسىرەسە، باس شۋجي شي جينپيڭنىڭ شينجياڭ قىزمەتى جونىندەگى جەلىلەس ماڭىزدى سوزدەرىن جانە ماڭىزدى بايىمداۋلارىن قايتا - قايتا ۇيرەنۋ ارقىلى مەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ، اسىرەسە، قوعام ورنىقتىلىعى مەن باياندى تىنىشتىق باس نىساناسىنىڭ شينجياڭنىڭ ءىس جۇزىندىگىنە بۇكىلدەي ۇيلەسەتىندىگىن، بۇكىلدەي دانا، دۇرىس ەكەندىگىن، وعان، ءسوزسىز، ۇزاق ۋاقىت تاباندى بولۋ كەرەكتىگىن تەرەڭ ءتۇسىندىم. پارتيالى باسشى كادر رەتىندە، مەن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، باس نىسانانى ەش بۇلجىماستان شينجياڭ قىزمەتىنىڭ جالپى باعدارلاماسى ەتىپ جانە ونى ءبىر تۇتاس باسشىلىققا الىپ، وتاننىڭ تۇتاستىعىن باتىل قورعاپ، ۇلتتار ىنتىماعىن، قوعام ورنىقتىلىعىن قورعاپ، ءداۋىردىڭ بىزگە جۇكتەگەن ساياسي جاۋاپكەرشىلىگىن باتىلدىقپەن ارقالايمىن.
«ءۇش ءتۇرلى كۇش» وتاندى بولشەكتەۋ سۇرقيا ماقساتىنا جەتۋ ءۇشىن، ءدىني ۇشقارى يدەيانى قۇتىرىنا ۋاعىزداپ، ۇلتتىق وشپەندىلىككە جەلىكتىرىپ، زورلىقتى كۇش لاڭكەستىك دەلولارىن تۋدىرىپ، ۇلتتار ىنتىماعىن ءبۇلدىرىپ، قوعام ءتارتىبىن بىلىقتىرىپ، قوعام ورنىقتىلىعىن بۇزىپ، ءتۇرلى ايلا - شارعىلارمەن باقىتتى تۇرمىسىمىزدى ءبۇلدىردى. ماڭايىمىزعا جاسىرىنعان «ەكىبەتكەيلەر» قوي تەرىسىن جامىلعان قاسقىرلار، ولار جۇرت الدىندا لاڭكەستىككە قارسى تۇرعان سياقتانعانىمەن، كومەسكىدە قاسكۇنەمدىككە سالىندى، كوممۋنيستىك پارتيانىڭ اسىن ءىشىپ، كوممۋنيستىك پارتيانىڭ قازانىن شاقتى. ءبىز، ءسوزسىز، قىراعىلىقتى ارتتىرىپ، اياماي سوققى بەرىپ، «ءۇش ءتۇرلى كۇشكە»، «ەكىبەتكەيلەرگە» قارسى قاندى شايقاس جۇرگىزۋگە سەرت ەتىپ، قوعام ورنىقتىلىعى مەن باياندى تىنىشتىقتى باتىلدىقپەن قورعاۋىمىز كەرەك.
تۋىم ايقىن تۇردە ساياسيدى دارىپتەيمىن. مەن ساياسي ءتارتىپ پەن ساياسي قاعيداعا قاتاڭ بويسۇنىپ، «ءتورت تانىمدى» بەرىك ورناتىپ، «ءتورت سەنىمدى» بەكەمدەپ، «ەكىنى قورعاۋدى» ورىندايمىن، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن باتىل دايەكتىلەندىرەمىن، تياناقتاندىرامىن. بولشەكتەۋشىلىككە قارسى تۇرۋ كۇرەسىنىڭ سىناعى الدىندا تۋىم ايقىن، تۇرعىم بەرىك تۇردە ۇلتتار ىنتىماعىنىڭ قورعاۋشىسى، قوعام ورنىقتىلىعىن قورعاۋدىڭ امالياتتا ايگىلەۋشىسى بولامىن.
مىندەتىمدى ادا ەتىپ، جاۋاپكەرشىلىگىمدى اتقارىپ، ورنىقتىلىقتى قورعايمىن. مەن ورنىقتىلىقتى قورعاۋدى بارلىعىن باسىپ تۇسەتىن ساياسي مىندەت، تايشان تاۋىنان دا سالماقتى ساياسي جاۋاپكەرشىلىك دەپ ءبىلىپ، باس نىسانا تۋىن بيىك جەلبىرەتىپ، يدەولوگيا سالاسىنداعى بولشەكتەۋشىلىككە قارسى تۇرۋ كۇرەسىنىڭ مىندەتى مەن بورىشىن ىرىقتىلىقپەن ارقالاپ، ۇگىت - تاربيە قىزمەتىن كەڭ كولەمدە ورىستەتىپ، بولشەكتەۋشىلىك يدەيا مەن ءسوز - ارەكەت اتاۋلىعا باتىلدىقپەن، تاباندىلىقپەن سوعىس جاريالاپ، شەشۋشى ساتتەردە، ەلەۋلى ماسەلەلەردە ءۇنسىز قالمايمىن. قۇرىشتاي بەرىك سەنىممەن، قاتاڭ تاسىلمەن، بولاتتاي بەرىك تارتىپپەن اۆتونوميالى رايوندىق پارتكومنىڭ لاڭكەستىككە قارسى تۇرىپ، ورنىقتىلىقتى قورعاۋ شارالارىنىڭ ناقتاپ تياناقتانۋىنا شىنايى كەپىلدىك ەتەمىن.
ىنتىماقتى بۇكىل ىنتا - پەيىلىممەن جەبەيمىن. مەن ءوز ارتىقشىلىعىمدى تولىق ساۋلەلەندىرىپ، كادرلار مەن بۇقاراعا ساقتىق دابىلىن قاعۋ، تالاپتار قويۋ، ءتارتىپتى دارىپتەۋ جونىندەگى مىندەتىم مەن جاۋاپكەرشىلىگىمدى سانالىلىقپەن ارقالاپ، سانالى تۇردە سوتسياليستىك وزەكتى قۇن كوزقاراسى جانە پارتيا تاريحى، مەملەكەت تاريحى، شينجياڭنىڭ «ءتورت تاريحى» ارقىلى بۇقارانى تاربيەلەپ، ولاردى دۇرىس ماركسيزمدىك «بەس كوزقاراس» پەن «ءۇشتىڭ ءبىر - بىرىنەن ايرىلا الماۋى» يدەياسىن ورناتىپ، «بەستى شىنايى مويىنداۋدى» كۇشەيتىپ، جۇڭحۋا ۇلتى ورتاق تۇلعا تانىمىن بەرىك ورناتۋعا باستايمىن.
ۇيعۇر ۇلتىندا «تابىس جاراسىمدىلىقتا، كۇش بىرلىكتە» دەيتىن ءتامسىل بار. قوعام ورنىقتىلىعى مەن باياندى تىنىشتىقتى جۇزەگە اسىرۋ ءاربىر پارتيالى كادر مەن بۇقارانىڭ شەشۋشى ساتتە تۇرعىدا بەرىك تۇرۋىن، پوزيتسياسىن ايقىن ءبىلدىرۋىن، دۇرىس سالتتى اسقاقتاتىپ، وڭ ەنەرگيانى تاراتۋىن قاجەت ەتەدى. مەن ۇلتتار ىنتىماعىن باستاماشىلدىقپەن كۇشەيتىپ، قوعام ورنىقتىلىعىن قورعاپ، تۋىم ايقىن تۇردە پارتيا مەن حالىقتىڭ تۇرعىسىندا تۇرىپ، پارتيالىلىقتى دارىپتەپ، جاۋاپكەرشىلىكتى باتىلدىقپەن ارقالاپ، ونەگە بولىپ، ىستىق قانىم جانە ادالدىعىم ارقىلى كوممۋنيستەردىڭ ايبىندى سەرتىن امالياتىمدا ايگىلەپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، شات - شادىمان ءومىر كەشكەن جۇڭگوشا سوتسياليستىك شينجياڭ قۇرۋعا ۇلەس قوسامىن.
كەلۋ قاينارى:ءتاڭىرتاۋ تورابى
