كۇنىنە قانشالىق كوك شاي ىشكەندە دەنساۋلىققا پايدالى بولادى؟

كوك شايدىڭ نەگىزگى قۇرامى كاتەحين بولىپ، شاي قۇرامىنداعى فلاۆانول تەكتەس زاتتاردىڭ جالپى اتالۋى. كاتەحيننىڭ توتىقتانۋعا قارسى تۇرۋ، جۇرەك قان تامىر اۋرۋلارى، وسپەنىڭ الدىن الۋ سياقتى كوپتەگەن بيولوگيالىق رولى بار.

1. ءار كۇنى شايدان 250 ميلليگرام كاتەحيندى سىمىرگەندە عانا ونىڭ توتىقتانۋعا قارسى تۇرۋ رولىن بايقاۋعا بولادى.

2. ءار كۇنى 400 ميلليگرام كاتەحيندى سىمىرگەندە دەنە سالماعىن جەڭىلدەتىپ، قانداعى قانت قۇرامى، قان قىسىمى، قانداعى ماي قۇرامىن تومەندەتىپ، جۇرەك قان تامىر اۋرۋلارىنىڭ الدىن الادى.

3. ءار كۇنى 600 ميلليگرام كاتەحيندى سىمىرگەندە، ەرلەردىڭ قۋىق ءتۇبى بەزى راگىنا شالدىعۋدىڭ الدىن الادى. زەرتتەۋگە قاراعاندا، شاي ءىشۋدىڭ اسقازان راگى مەن قۋىق راگىنە اسەرى جوق ەكەن.

ادەتتە، ءبىر ستاكان كوك شايدىڭ قۇرامىندا 100 ميلليگرام كاتەحين بولادى، سوندىقتان، كۇنىنە از دەگەندە 3 ستاكان كوك شاي ىشكەندە عانا پايداسىن كورۋگە بولادى. ەسكەرتەر كەتەتىن جايت، ءبىر جولعى كوك شايدى قايتالاي قايناتىپ ىشۋگە بولمايدى، كوپ بولعاندا ەكى رەتتەن كەيىن جاڭا شاي ساماسىن الماستىرعان ءجون.

كەلۋ قاينارى : ءتاڭىرتاۋ تورابى