ۋاڭ حۋنيڭ اشىلۋ سالتىنا قاتىناسىپ، ءسوز سويلەدى
«حالىق گازەتى»، 11 – ايدىڭ 13 - كۇنى، بەيجيڭ. «ۇلى بۇرىلىس —رەفورما جاساپ، ەسىك اشۋدىڭ 40 جىلدىعىن قۇتتىقتاۋ كولەمدى كورمەسىنىڭ» اشىلۋ سالتى 11 – ايدىڭ 13 – كۇنى تۇستەن بۇرىن مەملەكەتتىك مۇراجايدا وتكىزىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق شۋجيچۋىنىڭ شۋجيى ۋاڭ حۋنيڭ ءسوز سويلەدى ءارى كورمەنىڭ اشىلعانىن جاريالادى.
تۇستەن بۇرىن ساعات 10 دا اشىلۋ سالتى باستالدى. تۇتاس الاڭدا جۇڭحۋا حالىق رەسپۋبليكاسىنىڭ گيمنى اسقاقتاتا شىرقالدى.
ۋاڭ حۋنيڭ سوزىندە بىلاي دەدى: رەفورما جاساپ، ەسىك اشقان 40 جىلدان بەرى جۇڭگو حالقى قوس قولدارىنا سۇيەنىپ مەملەكەت پەن ۇلت دامۋىنىڭ ايبىندى داستانىن جازدى، پارتيانىڭ، مەملەكەتتىڭ، حالىقتىڭ، ارميانىڭ، جۇڭحۋا ۇلتتارىنىڭ بەت – بەينەسىندە بۇرىن – سوڭدى بولماعان وراسان زور وزگەرىس جارىققا شىقتى. پارتيانىڭ 18 – قۇرىلتايىنان بەرى شي جينپيڭ جولداس ۇيىتقى بولعان پارتيا ورتالىق كوميتەتى رەفورمانى جاپپاي تەرەڭدەتۋدى بار كۇشپەن ىلگەرىلەتىپ، پارتيا مەن مەملەكەتتىڭ ىستەرىندە تاريحي تابىسقا قول جەتكىزىلۋىن، تاريحي بۇرىلىس تۋىلۋىن ىلگەرىلەتتى، رەفورما جاساپ، ەسىك اشۋدا جاڭا تاريحي داستان جازىلدى.
ۋاڭ حۋنيڭ بىلاي دەدى: كولەمدى كورمەنى اشۋدا جۇڭگو حالقىنىڭ 40 جىلدان بەرى جۇڭگو كوممۋنيستىك پارتياسىنىڭ باسشىلىعىندا جۇڭگوشا سوتسياليزم جولى سىندى ۇلى تابىستى جاراتقانىن، تاريحتىڭ جاسامپاز امالياتىندا وراسان زور رۋحاني كۇش تانىتىپ، ادامزاتتىڭ بەيبىتشىلىگى مەن دامۋى سىندى وسكەلەڭ ىستەرىنە قوسقان وراسان زور ۇلەسىن ايگىلەۋ ماقسات ەتىلدى. جاڭا داۋىرگە قادام تاستاعان وسى ساتتە شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن جەتەكشى ەتىپ، «ءتورت تانىمدى» نىعايتىپ، «ءتورت سەنىمدى» بەكەمدەپ، شي جينپيڭ جولداس ۇيىتقى بولعان پارتيا ورتالىق كوميتەتىنىڭ توڭىرەگىندە اناعۇرلىم تىعىز ىنتىماقتاسىپ، جاڭا داۋىردەگى رەفورما جاساپ، ەسىك اشۋ تۋىن بيىك ۇستاپ، اناعۇرلىم بەرىك سەنىممەن، اناعۇرلىم پارمەندى شارامەن رەفورما جاساپ، ەسىك اشۋدى ۇزدىكسىز تەرەڭدەتۋىمىز كەرەك.
كەلۋ قاينارى: حالىق تورابى
