شينحۋا اگەنتتىگى، 11 – ايدىڭ 14 – كۇنى، بەيجيڭ. ازيا - تىنىق مۇحيت كەڭىستىك سەلبەستىگى ۇيىمى قۇرىلعانىنىڭ 10 جىلدىعىن اتاپ ءوتۋ جينالىسى 11 - ايدىڭ 14 - كۇنى بەيجيڭدە اشىلدى. مەملەكەت ءتوراعاسى شي جينپيڭ حات جولداپ ازيا - تىنىق مۇحيت كەڭىستىك سەلبەستىگى ۇيىمى قۇرىلعانىنىڭ 10 جىلدىعىن قۇتتىقتادى.
شي جينپيڭ بىلاي دەدى: سىرتقى كەڭىستىك − ادامزاتتىڭ ورتاق بايلىعى، زەرتتەۋ، اشۋ، بەيبىت پايدالانۋ − ادامزاتتىڭ ورتاق تالپىنىسى. جۇڭگو دۇنيەدەگى ءار ەلدىڭ ادامزاتتىڭ تاعدىرلاس ورتاق تۇلعاسىن بىرگە قۇرۋدى ىلگەرىلەتۋىن، بارابار بولۋ، ءوزارا پايدا جەتكىزۋ، بەيبىت پايدالانۋ، باۋىرمالدىقپەن دامۋ نەگىزىندە سىرتقى كەڭىستىك سالاسىنا قاتىستى حالىقارالىق سەلبەستىكتى ىشكەرىلەي ورىستەتۋىن دارىپتەيدى. جۇڭگو كەڭىستىك بايلىعىن ۇيلەسىمدى اشىپ پايدالانۋدى، كەڭىستىك ورتاسىن قورعاۋدى، عارىش ىستەرىن جەبەپ، ادامزاتتى باقىتقا بولەۋدى دايەكتى قۋاتتايدى.
شي جينپيڭ بىلاي دەدى: ازيا - تىنىق مۇحيت كەڭىستىك سەلبەستىگى ۇيىمى مەن مۇشە ەلدەر كەڭىستىك عىلىمىن زەرتتەۋ، كەڭىستىك تەحنيكاسىن اشۋ، پايدالانۋ سياقتى سالالاردا تىعىز سەلبەسىپ، بەلسەندى رول اتقاردى. جۇڭگو اتالعان ۇيىمنىڭ قىزمەتىن بەلسەندى قولداپ، بىرگە اقىلداسۋ، بىرگە قۇرۋ، قاتار يگىلىكتەنۋ پرينسيبى بويىنشا كەڭىستىك ىستەرى مەن ەكونوميكانىڭ، قوعامنىڭ دامۋىن جەبەپ، دۇنيە ءجۇزىن ءتىپتى دە كوركەم ەتىپ قۇرۋعا اقىل - پاراساتى مەن كۇش - قۋاتىن ارنايدى.
كەلۋ قاينارى: حالىق تورابى
